lingid sa kaalaman
ng mas nakararami-
mundong ito'y binubuklod
ng iisang kiliti.
panlasa mo ma'y
kakaiba sa akin at kanya
batid kong may isang bagay
na sa atin ay iisa.
datapwa't sa ngayon
ito ay lihim na nakabaon
darating ang panahon
ito'y mabibigyang tugon.
sa pagsapit ng araw
na yao'y matuklasan
hatid nito'y kaligayahan
sa buong sangkatauhan.
ang lihim ng mundo-
Kanyang handog sa Tao
at itong nakatago
sa ating mga puso.
No comments:
Post a Comment